Umusirikare ufite ipeti rya Captain mu ngabo za Repubulika Iharanira Demokarasi ya Congo yitandukanije n’iki gisirikare maze yiyunga ku basore birwanaho, mu misozi miremire y’Imulenge, mu Ntara ya Kivu y’Amajyepfo.
Uyu musirikare witandukanije na FARDC ni Captain Rutegama Sentamati wamenyekanye ku mazina ya Focus, akaba yiyunze kuri Twirwaneho, nk’uko aamakuru ducyesha MCN abivuga.
Aya makuru avuga ko uyu musirikare yifatanije na Twirwaneho avuye aho yakoreraga akazi ka gisirikare mu Bijombo ho ku Ndondo ya Uvira, muri iyi Ntara ya Kivu y’Amajyepfo.
Uyu musirikare bivugwa ko yamaze kugera muri Twirwaneho ikorera mu bice byo mu mu Kamombo, haherereye mu ntera y’ibirometero nka 25 uvuye muri centre ya Minembwe, ahatuwe n’Abanyamulenge benshi.
Uyu musirikare yagiye ajyanye imbunda ebyiri, iyo mu bwoko bwa AK-47 na Mashin gun, ndetse ngo n’ibindi bikoresho bya gisirikare.
Ntacyo ubuyobozi bwa Twirwaneho buravuga kuri uyu musirikare, gusa umwe mu bantu ba Twirwaneho utatangajwe imyirondoro yavuze ko aya makuru ari yo ko kandi bamaze kumwakira.
Yagize ati: “Captain Rutegama Sentamati yatugezeho, kandi yazanye n’ibikoresho bya gisirikare byiza.”
Tubibutsa ko Captain Rutegama Sentamati avuka mu bice byo mu Marango (Kabingo ) ho muri Minembwe. Akaba ari n’u Munyamulenge.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
