Amakuru mashya yamaze gutangazwa yerekana ko Umugaba mukuru w’ingabo za Uganda, Gen Kainarugaba Muhoozi, umuhungu wa Perezida Yoweli Kaguta Museveni, arimo kwitegura kongera guhura na mugenzi we wa Repubulika Iharanira Demokarasi ya Congo (RDC), Gen Christian Tshiwewe Songesa. Ibiganiro byabo bigamije gukomeza gutsura ubufatanye bwa gisirikare hagati y’ibihugu byombi.
Iyi nkuru yatangajwe ku wa 20 Nzeri 2024, ubwo Gen Muhoozi yakoresheje urubuga rwe rwa X (ruhasimbuye Twitter), agaragaza ko ateganya kongera guhura na Gen Tshiwewe vuba, ngo baganire ku bufatanye mu kurwanya imitwe yitwaje intwaro, cyane cyane umutwe wa ADF. Mu butumwa bwe, Gen Muhoozi yanditse ati: “Ndashimira umuvandimwe wanjye Gen Christian Tshiwewe wa RDC, umugaba mukuru wa FARDC, ku bwo kwifatanya natwe mu gutsinda ADF. Twiteguye gukomeza ubufatanye.”
Aba basirikare bombi baheruka guhura mu kwezi kwa Gicurasi 2024 i Kasindi, ku mupaka wa RDC na Uganda, mu biganiro byibanze ku mikoranire y’impande zombi mu bikorwa byo kurwanya ADF, ibirindiro byabo bikaba biri mu burasirazuba bwa Congo. Icyo gihe, ibikorwa byiswe “Operation Shujaa” byari bigamije guca intege uyu mutwe w’iterabwoba kuva byatangira mu 2021.
Muri urwo ruzinduko rwa Gicurasi, Gen Muhoozi yari aherekejwe n’abasirikare bakuru barimo Lt Gen Kayanja Muhanga, Umugaba w’ingabo zirwanira ku butaka muri Uganda, na Major Gen Dick Orum, wari Komanda w’ingabo zari ziri mu bikorwa byo kurwanya ADF. Iyi mikoranire n’ubufatanye birushaho kugaragaza ubushake bw’ibihugu byombi mu gukomeza guhashya iterabwoba no kugarura umutekano mu karere.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
