Rutshuru: Abari bahunze imirwano basaga 100 000 basubiye mu byabo

Abaturage basaga 100 000 basubiye mu ngo za bo muri Teritwari ya Rutshuru igenzurwa n’ingabo za M23.

Izi mpunzi z’imbere mu gihugu zari zarahunze imirwano ya M23 na FARDC zagiye zitahuka mu bihe bitandukanye, aba bahungutse nyuma y’iminsi 6 y’agahenge ko guhagarika imirwano kasabwe na Leta Zunze Ubumwe za Amerika.

Umuryango utari uwa Leta ukorera muri Rutshuru uvuga ko abaturage ibihumbi 100 000 ari bo bamaze gusubira mu byabo mu majyepfo ya Teritwari ya Lubero na Sheferi ya Bwito muri Teritwari ya Rutshuru igenzurwa n’ingabo za M23.

Aba ni abahungutse kuva ku itariki ya 1 kugeza ku ya 10 Nyakanga 2024 nyuma y’agahenge ko guhagarika imirwano no kwizera ko aho bari batuye hagenzurwa na M23/AFC hatekanye babibwiye na bagenzi babo bahungutse mbere ndetse n’abatarigeze bahunga.

Si abo muri Rutshuru gusa Bari gusubira mu ngo za bo kuko n’abo muri Teritwari ya Lubero  batangiye guhunguka.

Umujyi wa Kanyabayonga ubarurwamo ingo 15 000 z’abahunze imirwano, 6 000 muri zo ba nyirazo baratahutse nk’uko bitangangazwa n’umuryango utari uwa Leta La Veille humanitaire de Bwito et du sud de Lubero.

Abo mu duce twa Miriki, Luofu na Kayna muri Teritwari ya Lubero iyoborwa na AFC/M23 n’ahandi na bo bari gusubira mu byabo.

Dukurikire kumbugankoranyambaga Zacu:

• Facebook
• Twitter

Tunga App yacu uge ubashe gusoma amakuru neza: