Perezida Félix Tshisekedi ashobora kujyanwa mu nkiko kubera ibyo amaze gukorera igihugu mu myaka itanu ishize »Inkuru irambuye

Muri iyi minsi Perezida Félix Tshisekedi arashinjwa gushyira igihugu mu myenda kitigeze kigira mu myaka yashize. Umunyapolitiki Franck Diongo utavuga rumwe na leta ya  perezida Félix Tshisekedi, avuga ko mu myaka itanu gusa Tshisekedi amaze ku butegetsi yashyize igihugu mu madeni arenze urugero, iki gihugu kitigeze kigira.

Bwana Franck Diongo wo mu ishyaka rya MLP (Mouvement Lumumbiste Progressiste), yabivuze ubwo yari mu kiganiro cyabaye mu ntangiriro z’iki Cyumweru, aho yaganiraga n’abanyamakuru, i Bruxelles mu Bibiligi, ku mu gabane w’u Butayi.

Muri iki kiganiro yavuze ko perezida Félix Tshisekedi yageze ku butegetsi mu 2019, asanga Joseph Kabila yarasize miliyali zitatu z’u mwenda ku myaka 18 yamaze ayoboye Congo Kinshasa. Avuga ko kuri ubu igihugu imyenda gifite irenga miliyali icumi z’amadolari y’Amerika mu myaka itanu Tshisekedi amaze ku ngoma gusa.

Mu gihe Marshal Mobutu we yasize umwenda ungana na miliyali cumi n’enye z’amadolari y’Amerika , ku myaka 32 yamaze ayoboye iki gihugu. Kandi avuga ko Mobutu yasize yubatse urugomero rwa Inganda ndetse ngo n’ibindi bikorwa byindashikirwa yakoreye muri iki gihugu.

Yanagaragaje ko iki gihugu kubwa Tshisekedi cyagize ubukene buri ku kigero cya 74,6 ku ijana, avuga kandi ko Tshisekedi atari gutsinda amatora yo mu mwaka ushize ko ahubwo hari hatsinze Moïse Katumbi.

Yagize ati: “Sinemera ko Tshisekedi yatsinze Moïse Katumbi mu matora y’ubushize. Yatsinda gute umuntu ushyira igihugu mu kaga, ahubwo yibye amajwi.”

Ibi abivuze mu gihe ibihugu by’ibumbiye mu bumwe bw’u Burayi biheruka gutangaza ko ubutegetsi bwa Kinshasa butashyize ingufu kugira ngo intambara ikomeje guca ibintu mu Burasirazuba bw’iki gihugu irangire, nk’uko byatangajwe na komiseri mukuru w’uyu muryango, ubwo aheruka i  Goma.

Dukurikire kumbugankoranyambaga Zacu:

• Facebook
• Twitter

Tunga App yacu uge ubashe gusoma amakuru neza: