Minisitiri Dr Vincent Biruta na Perezida Tshisekedi bahuriye muri Turukiya

Mu gihugu cya Turukiya hatangiye inama y’Abakuru b’Ibihugu n’abandi bayobozi bakuru, yiga ku bibazo by’isi no kubishakira ibisubizo mu mahoro.

Iyi nama ibera ahitwa Antalya muri Turukiya, u Rwanda rwohereje Minisitiri w’Ububanyi n’Amahanga, Dr Vincent Biruta.

Yagiranye ibiganiro na Minisitiri w’Ububanyi n’Amahanga wa Turukiya Hakan Fidan, ndetse bombi basinya amasezerano y’ibihugu byombi agamije imikoranire mu bijyanye n’ubuzima n’ubumenyi mu by’ubuvuzi.

Minisitiri Biruta ahagarariye Perezida Paul Kagame muri iyi nama nk’uko byemejwe na Minisiteri y’Ububanyi n’Amahanga mu Rwanda.

Iyi nama ihuza Abakuru b’Ibihugu, ba Minisitiri n’abandi banyacyubahiro, yiga ku bibazo bitandukanye byugarije isi, hakanarebwa uko bikemuka mu nzira za dipolomasi.

Soma iyi nkuru nayo: Perezida Ndayishimiye w’u Burundi yahinduye umuvuno kugira ngo abasirikare be bemere kujya kurwanya M23

Repubulika ya Demokarasi ya Congo ihagarariwe na Perezida Antoine Félix Tshisekedi, wageze muri Turukiya kuri uyu wa Gatanu.

Biteganyijwe ko Tshisekedi azagirana ibiganiro na Perezida wa Turukiya Recep Tayyip Erdoğan. Turukiya ni igihugu kibanye neza n’u Rwanda bikaba bifitanye ubufatanye mu bucuruzi no mu bijyanye no kubaka ibikorwa remezo.

Indi nkuru wasoma: 

Umutwe witwaje Intwaro wagabye igitero gikomeye cyane ku kigo cya gisirikare abasirikare bagera kuri 32 bahasiga ubuzima abandi benshi cyane barakomereka

Dukurikire kumbugankoranyambaga Zacu:

• Facebook
• Twitter

Tunga App yacu uge ubashe gusoma amakuru neza: