Intambara hagati y’ingabo za Guverinoma ya Repubulika Iharanira Demokarasi ya Congo n’abasirikare ba M23 irakomeje mu nkengero za Kanyabayonga, aho Intare za Sarambwe zafunguye inzira zinjira muri uyu Mujyi, ni mu gihe abasaga 50 bo mu mutwe udasanzwe w’ingabo za Congo uzwi nka “Hiboux” bahasize ubuzima.
Ibi ni nyuma y’imirwano ikomeye imaze iminsi ihuza ingabo zirwana ku ruhande rwa Repubulika Iharanira Demokarasi ya Congo, n’abasirikare ba M23 yasize umuhanda uturuka muri Rwindi n’uva i Kibilizi yose igenzurwa na M23.
Izo nzira zombi zari zikikijwe n’ibirindiro by’ingabo zidasanzwe za FARDC zizwi ku izina rya ”Hiboux” n’abandi bambari ba Guverinoma ya Repubulika Iharanira Demokarasi ya Congo.
Umwe mu bari hafi y’iyo mirwano, mu gitondo cyo kuri uyu wa Kabiri tariki 11 Kamena 2024, yavuze ko ingabo za leta ya RDC zikomeje kohereza ibisasu buhumyi.
Avuga ko ingabo za FARDC zirimo gukoresha imbunda ziremereye zirimo “Katyusha”, “BM” n’izindi bifashisha barasa mu ntera ndende.
Ku mugoroba wo ku wa mbere ahagana saa kumi, abasirikare ba FARDC bagerageje gutsinsura M23 bakoresheje imbunda ziremereye, abagera kuri barindwi barimo abarashi ba zo n’abayobozi ba bo, baraswa na “Drone” ya M23.
Ni mu gihe mu mirwano yo ku Cyumweru habarurwa abagera kuri 40 mu ngabo zidasanzwe “HIBOUX” basize ubuzima mu nkengero za Kanyabayonga.
Nta matangazo arashyirwa ahagaragara n’impande zombi zihanganye muri iyi mirwano, gusa amakuru aturuka ku mirongo y’imbere ku mbuga y’urugamba arashimangira ko abasirikari ba FARDC bakomeje kwitaba Imana ku bwinshi.
Amakuru avuga ko M23 ikomeje kurusha imbaraga ingabo za Repubulika Iharanira Demokarasi ya Congo n’abambari bazo mu mirwano yo ku butaka kuko kuri ubu Intare za Sarambwe (M23) zafashe imisosi ya Butarongora, Burangiza, Kiruri na Kabasha iyi misozi akaba ariyo ikikije Kanyabayonga ku buryo uyu mujyi wasigaye hagati nk’ururimi.
Kuva ku wa Gatandatu, MONUSCO nayo yinjiye mu mirwano y’i Kanyabayonga igamije gufasha ingabo za Guverinoma ya Repubulika Iharanira Demokarasi ya Congo, Mai Mai, Wazalendo, FDLR n’Abarundi kurwanya M23.
Imirwano itoroshye igamije kwambura ingabo za Repubulika Iharanira Demokarasi ya Congo, FARDC, umujyi wa Kanyabayonga yatangiye ku wa Kane w’Icyumweru gishize.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
