M23 yahishuye amahano ari gukorwa n’Ingabo z’umuryango w’Abibumbye mu Burasirazuba bwa Repubulika Iharanira Demokarasi ya Congo.

Ihuriro rya AFC/M23 ryahishuye amahano ari gukorwa n’Ingabo z’umuryango w’Abibumbye, MONUSCO, ziyakoreye mu Burasirazuba bwa Repubulika Iharanira demokarasi ya Congo. 

Mu itangazo ryashyizwe hanze na AFC/M23, ryashize hanze kuri uyu wo ku Cyumweru, tariki ya 03 Kamena 2024, rivuga ko MONUSCO yiyemeje kuba umwe mu bufatanye bw’ubutegetsi bwa Kinshasa, mu bikorwa byo guhangana na M23 no kugirira abasivile nabi bakoresheje Wazalendo na FDLR. 

Iri tangazo rya AFC/M23 ryashyizweho umukono n’umuvugizi wa M23 mu bya politiki, Lawrence Kanyuka rivuga kandi ko MONUSCO yiyemeje gufatanya no guha ubufasha Ingabo za Guverinoma ya  Kinshasa zikorana n’Interahamwe, Wazalendo, Ingabo z’u Burundi na SADC, mu ku rwanya M23. 

Rigira riti: “Ubwo bufasha burimo drone zikora igenzura, zagiye zifasha ubutegetsi bwa perezida Félix Tshisekedi mu bitero by’indege z’intambara byahitanye inzirakarengane z’abasivile.” 

Iri tangazo rikomeza rimenyesha umuryango mpuzamahanga ko uruhande bahanganye ruherutse kubura ibitero bya rutura birimo ibikoreshwa indege zitagira abapilote ndetse n’iz’intambara, ndetse ko ruri gukoresha ibikoresho bishya. 

Ryanibukubije kandi ko uru ruhande rwa leta bahanganye rwigeze gukoresha ibirindiro bya MONUSCO bya kiwanja na Kitshanga, mu kugaba ibitero byaguyemo abasivile benshi. 

Iri tangazo rikagira riti: “Tugendeye ku kuba MONUSCO yarananiwe kutagira uruhande ibogamiyeho, AFC/M23 irihanangiriza MONUSCO ikayisaba kureka icyemezo yafashe cyo kwijandika mu bitero bigabwa mu M23 hifashishijwe ibirindiro bya kiwanja na Kitshanga.” 

Dukurikire kumbugankoranyambaga Zacu:

• Facebook
• Twitter

Tunga App yacu uge ubashe gusoma amakuru neza: