Rutahizamu Lionel Messi ukinira ikipe ya Inter Miami akaba na kapiteni w’Ikipe y’Igihugu ya Argentine, ku wa 20 Kamema 2024 yaciye agahigo ko kuba ari we umaze gukina imikino myinshi mu irushanwa rihuza amakipe y’ibihugu yo ku mugabane w’Amerika y’Epfo rya Copa America 2024.
Ni agahigo yaraye yesheje muri iki gikombe cya 2024 kiri kubera muri Leta Zunze Ubumwe z’Amerika, aka gahigo kakaba kari gasanzwe gafitwe n’umuzamu w’ikipe y’Igihuhu cya Chile witwa Robert Serigip Livingstone.
Umukino Lionel Messi yakoreyemo amateka, wahuje Argentine ye na Canada, izo kipe zihuriye mu itsinda A umukino warangiye Argentine itsinze Canada ibitego 2-0 bya Julian Alvarez ku munota wa 48 ahawe umupira na Alexis Mac Allister ndetse na Martinez ku munota wa 89 ahawe umupira na Marcos Acuna.
Ayo mateka mashya Messi yanditse ni ayo kuba umukinnyi ukinnye imikino myinshi ya Copa America aho yahise agira imikino igera kuri 35 mu mateka, ndetse anandika amateka mashya yo kuba umukinnyi ukomoka muri Argentine ukinnye Copa America nyinshi igera kuri 7 kuva muri 2007 kugeza uyu munsi muri 2024.
Robert Sergio Livingstone wari ufite aka gahigo yapfuye taliki 11 Nzeri 2012 yari yaravutse taliki 26 Werurwe 1920, akaba ari we wari umaranye aka gahigo imyaka 71.
Argentine nyuma yo gutsinda Canada izakina Chile, izasoreze kuri Peru.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
