Kanyabayonga mu mujyi rwagati hatewe ibisasu bikomeye – Abaturage barabivugaho iki?

Ibisasu biremereye byakomerekeje abasivile mu mujyi muto wa Kanyabayonga, muri teritware ya Lubero, mu Ntara ya Kivu Yaruguru.

Ni bisasu byatewe ubwo harimo imirwano ihanganishije umutwe wa M23 n’ihuriro ry’Ingabo zirwana ku ruhande rw’ingabo za Leta ya Congo Kinshasa iyobowe na perezida Félix Tshisekedi, nk’uko amakuru y’ibanze abivuga.

Iyi mirwano yabereye mu nkengero za Centre ya Kanyabayonga yabaye mu masaaha y’igitondo cya kare cyo kuri uyu wa Gatanu, tariki ya 21 Kamena 2024, iyi mirwano yaje gukomeza igeza isaaha ya sasita za manywa.

Amakuru agera ku munyamakuru wa CorridorReports avuga ko ihuriro ry’Ingabo za Repubulika ya demokarasi ya Congo, ariryo ryarimo rirasa ibisasu biremereye byakomerekeje abarimo abana bato n’abadamu babiri . Ay’amakuru anavuga ko ibyo bisasu byatewe neza mu gace gaherereye muri Quartier ya Buhundu muri Kanyabayonga.

Abana bakomerekejwe nibyo bisasu nta mubare wabo urabasha ku menyekana. Gusa hagaragajwe ubutumwa bwa mashusho, bw’umwana w’umukobwa wakomeretse ari iruhande rw’umudamu nawe wakozweho nibyo bisasu.

Byanavuzwe kandi ko nyuma y’uko aba bari bamaze gukomeretswa n’ibyo bisasu ko bahise bihutanwa kwa muganga kugira ngo bitabweho.

Ibi bisasu nk’uko iy’inkuru ikomeza ibivuga n’uko byaraswaga n’abasirikare ba FARDC n’abafatanya bikorwa babo barwaniraga mu mujyi rwagati wa Kanyabayonga bakabitera mu gace ka Buhundu kari hafi naho abarwanyi ba M23 baherereye.

Dukurikire kumbugankoranyambaga Zacu:

• Facebook
• Twitter

Tunga App yacu uge ubashe gusoma amakuru neza: