Kuri uyu wa Kane, tariki ya 26 Nzeri 2024, habaye imirwano ikaze yahuje umutwe wa Wazalendo n’ingabo za Repubulika Iharanira Demokarasi ya Congo (FARDC) mu bice biri ku nkengero z’umujyi wa Goma, mu burasirazuba bw’igihugu.
Wazalendo n’ingabo za FARDC bamaze igihe bafitanye ubufatanye mu guhangana na M23, imaze igihe kirekire iharanira ko muri iki igihugu habamo utekano n’ituze kuko Leta ikomeje cyane kwica no gusahura abaturage bayo. Icyakora, uyu munsi ubwo bufatanye bwahindutse imirwano ikaze, ituma bamwe mu baturage baturiye Goma bahunga kubera urusaku rw’imbunda ziremereye n’izito zaraswaga.
Mu mashusho yakwirakwijwe ku mbuga nkoranyambaga, hagaragaramo impunzi zo mu makambi ya Lusagala na Bulengo zihungira mu mujyi wa Goma, abandi bakajya mu bice byegereye umujyi.
Amakuru y’ibanze agera ku munyamakuru bwite wa CorridorReports, avuga ko intandaro y’iyo mirwano ari amakimbirane yaturutse ku kugenzura bariyeri zinyurwaho n’abaturage baciye amafaranga mu buryo butemewe, ziri ahitwa Nzulo, ku muhanda uva Goma ugana i Sake.
Imirwano yatangiye ahagana saa kumi za mu gitondo (4:00 am), ingabo za FARDC zikaba ari zo zivugwaho kuba zatangije ibitero byibasira ibirindiro bya Wazalendo. Hari andi makuru avuga ko ingabo za FARDC zabanje kwibasira ibirindiro bya FDLR mbere y’uko barasa ku birindiro bya Wazalendo ariko yo ni ukujijisha.
Kugeza ubu, nta mibare iratangazwa y’abaguye muri iyi mirwano. Ibi bibaye nyuma y’imirwano iherutse kuba mu mpera z’icyumweru gishize hagati ya M23 n’ingabo za Leta, aho yabereye mu duce twa Masisi na Rutshuru.
Iyi mirwano ikomeje gukaza umurego mu karere, abaturage bakaba bakomeje guhunga kubera umutekano muke uterwa n’ibi bitero.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
