Amakuru aturuka ku mirongo y’imbere ku mbuga y’urugamba avuga ko Ihuriro ry’Ingabo zirwana ku ruhande rwa Guverinoma ya Repubulika Iharanira Demokarasi ya Congo zahunze mu rugamba zari zihanganyemo na M23.
Aya makuru avuga ko izi ngabo zahunze ziyabangira ingata nyuma yo kwatswaho umuriro utazima n’Intare za Sarambwe.
Izi ngabo zahunze mu mirwano yabaye kuri uyu wa Mbere tariki ya 27 Gicurasi 2024, ikaba yabereye mu bice byo muri teritware ya Rutshuru, mu Ntara ya Kivu y’Amajyaruguru.
Uru rugamba rwabereye mu gace ka Bweranda na Mutanda.
Nk’uko aya makuru akomeza abivuga, uru rugamba rwatangiye ku gicamunsi, nyuma yuko ihuriro ry’Ingabo zirwana ku ruhande rwa Guverinoma ya Repubulika Iharanira Demokarasi ya Congo ariryo ryagabye ibitero ahari ibirindiro by’ingabo ziyobowe na Gen Sultan Makenga.
Nyuma y’uko iri huriro ry’Ingabo zirwana ku ruhande rwa Repubulika Iharanira Demokarasi ya Congo zari zimaze kugaba ibitero kuri M23 nayo yaje kwirwanaho izisukaho umuriro w’Amazuku maze abandi nabo bakizwa n’amaguru bayabangira ingata.
Iyi mirwano ibaye mu gihe ku Cyumweru tariki ya 26 Gicurasi 2024, M23 yari yongeye kurasa umuriro w’amasasu ku ihuriro ry’Ingabo z’ubutegetsi bwa Kinshasa maze nabwo rihunga amasigamana.
Muri iyo mirwano M23 yambuye FARDC n’abambari bayo ibice byinshi harimo ibiri muri teritware ya Masisi na Rutshuru ndetse no muri teritware ya Kalehe, mu Ntara ya Kivu y’Amajyepfo.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
