Guverinoma ya Uganda binyuze muri Minisitiri wa siporo, Peter Ogwang, yatangaje ko itsinda ry’abashakashatsi bo muri Minisiteri y’imirimo n’ubwikorezi n’abatekenisiye bo mu Nama y’igihugu ya Siporo bari mu Rwanda kugira ngo bagenzure urwego Stade Amahoro iherutse kuvugururwa i Kigali yashyizweho ngo bamenye uko stade mpuzamahanga zubakwa.
Ubwo yahuraga na komite ishinzwe uburezi na siporo mu Nteko Ishinga Amategeko, Ogwang yavuze ko Stade Amahoro ari ingenzi mu gusuzuma mu gihe Uganda yitegura gutangira kubaka Stade y’Umujyi wa Hoima, izakoreshwa mu mikino y’igikombe cya Afurika, 2027 AFCON, izakirwa na Uganda, Kenya, na Tanzaniya .
Stade yavuzwe izubakwa na Summa International Construction Company Inc yo muri Türkiye ari nay o yubatse Stade Amahoro.
Ogwang yagize ati: “Mfite ikipe yagiye mu Rwanda kugira ngo ikore ubugenzuzi bw’ibanze mu mushinga mushya wa AFCON, cyane cyane Stade yo mu mujyi wa Hoima.”
Yongeyeho ati: “Nasuye u Rwanda umwaka ushize, kandi nishimiye ubumenyi bwo mu rwego rwo hejuru busabwa kugira ngo ukore umushinga nk’uyu.”
Nk’uko Ogwang abitangaza ngo Namboole iri kuvugururwa, ntabwo ari yo izashingirwaho nka stade nkuru ya Uganda mu kwakira AFCON 2027.
Ubwo yasabaga guverinoma kurekura amafaranga ku gihe yagize ati: “Iyo tuvuze kuri AFCON 2027, bamwe muri mwe mushobora gutekereza ko ari kure cyane, ariko hasigaye imyaka itarenze itatu.”
Mu mpera z’icyumweru gishize, u Rwanda rwashyize ahagaragara stade y’imyanya 45,000 yubatswe, stade mpuzamahanga ya mbere mu gihugu yujuje ibisabwa na FIFA (Ishyirahamwe ry’Umupira w’Amaguru ku Isi).
Stade Amahoro, yavuguruwe kuva mu mwaka ushize, irimo stade nkuru ifite ikibuga cy’umupira w’amaguru, stade yo mu nzu y’imyanya 1000,ahakinirwa imikino ngororamubiri, n’ahakorerwa imyitozo y’umupira w’amaguru, kwiruka, handball, volley ball, na beach volley ball.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
