Ku munsi w’ejo ku wa Gatandatu, hubuye imirwano ikaze cyane yahanganishije imitwe ibiri ya Maï Maï, mu misozi miremire yo muri teritware ya Fizi, mu ntara ya Kivu y’Amajyepfo.
Ni imirwano yatangiye saa kumi nimwe z’igitondo cyo kuri uyu wa Gatandatu, ikaba yahanganishije Maï Maï Biloze Bishambuke na CNPSC ya General Hamuri Yakutumba, nk’uko abaturiye ibyo bice babitangaje.
Mu makuru ari kuvugwa n’abaturage baturiye ibi bice byo muri teritware ya Fizi, avuga ko uku gusubiranamo k’umutwe wa Maï Maï Biloze Bishambuke iyobowe n’uwiyita Col Ngomanzito, n’undi uyobowe na General Hamuri Yakutumba, kwabereye mu gace ka Kabanju no ku musozi wa Sarah byo mu majyepfo ashyira uburengerazuba bwa Komine Minembwe.
Aya makuru akomeza avuga ko uruhande rwa General Yakutumba rushyigikiwe na Gen Assani Mbakanyi wo mubwoko bw’Abanyindu, mu gihe Biloze Bishambuke yo iri kumwe na Red Tabara umutwe witwara Gisirikare urwanya leta y’u Burundi.
Aba baturage bavuga ko ukutumvikana hagati y’izi mpande zombi zihanganye kwatangiye ku mugoroba wo ku wa Gatanu, bigeze kuri uyu wa Gatandatu haba uguhangana bakoresheje intwaro.
Aya makimbirane yavutse muri Maï Maï yaturutse ku nyama z’inka banyaze Abanyamulenge.
Amakuru akomeza avuga ko kugeza ku mugoroba wo kuri uyu wa Gatandatu izi mpande zombi zari zigihanganye, kandi ko uru rugamba rwumvikanyemo imbunda ziremereye ndetse n’izito.
Umwe mu baturage baturiye ibyo bice yagize ati: “Kugeza ubu turi kumva urusaku rw’imbunda, kandi barwaniye kuri Sarah no mu Kabanju.”
Ibi bibaye mu gihe hari amakuru avuga ko General William Yakutumba ari kwitegura kwerekeza mu Ntara ya Kivu y’Amajyaruguru, aho bivugwa ko ashaka kujya ku rwanya M23 imaze igihe ihanganye n’ingabo za Repubulika Iharanira Demokarasi ya Congo.
Mu butumwa bw’amajwi bwatanzwe na bamwe mu ba Maï Maï bo muri Kivu y’Epfo, bwagiye bunyuzwa ku mbuga nkoranyambaga, bwavuga ko William Yakutumba ari we uzabasha guhagarika M23.
Tubibutse ko m23 yamaze no gufata bimwe mu bice byo muri Kivu y’Amajyepfo, ahanini muri teritware ya Kalehe.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
