Imirwano ikomeje guhanganisha ihuriro ry’Ingabo zirwana ku ruhande rwa Repubulika Repubulika Iharaniera Demokorasi ya Congo na M23 irimo kugwamo abasirikare bakuru mu ngabo za FARDC.
Ni imirwano bivugwa ko yasize ihitanye bwana Lt Col Didieu usanzwe ari komanda wa batayo ya 1201, nk’uko amakuru aturuka ku mirongo y’imbere ku mbuga y’urugamba abitangaza.
Aya makuru avuga ko uyu komanda wa batayo 1201 yaguye mu mirwano yabaye ku Cyumweru, tariki ya 26 Gicurasi 2024, akaba yaraguye mu gace kitwa Mirangi ko muri teritware ya Rutshuru.
Ni nyuma y’imirwano ikaze yabereye mu duce twinshi two muri teritware ya Masisi, Rutsuru na Kalehe ho mu Ntara ya Kivu y’Amajyepfo.
Iyi mirwano yabereye ahitwa Rwindi, Kibirizi, Kashalira, Kutolo, Kikuku, Bwalanda.
Nk’uko amakuru aturuka ku mirongo y’imbere ku mbuga y’urugamba akomeza abivuga, ngo iriya mirwano yatangiye mu gitondo cyakare igeza ku mugoroba.
Ay amakuru akomeza avuga ko iyi mirwano yasize M23 yigaruriye ibi bice kandi yambura n’ihuriro ry’Ingabo zirwana ku ruhande rwa leta ya Kinshasa ibikoresho bya gisirikare byinshi harimo n’ibikoresho by’ikoranabuhanga.
Ahandi habereye urugamba rukaze ni muri teritware ya Masisi, mu bice biherereye ku misozi ya Ndumba. Aha ni mu bice byegereye Centre ya Sake.
Hagati aho indi mirwano ikomeye irimo kubera mu bice byo muri teritware ya Kalehe mu Ntara ya Kivu y’Amajyepfo, ndetse amakuru avuga ko uduce twinshi M23 imaze kutubohoza harimo n’ibice byegereye centre ya Minova.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
