Hagaragajwe akarengane Abatutsi bo muri Repubulika Iharanira Demokarasi ya Congo bakomeje gukorerwa na FDLR izwiho gukorana bya hafi n’igisirikare cya leta ya perezida Félix Tshisekedi, muri Repubulika Iharanira Demokarasi ya Congo.
Aka karengane kagaragajwe n’umuryango wa Never Again Rwanda, uvuga ko FDLR n’indi mitwe ikorana nayo mu gufasha ingabo za Repubulika Iharanira Demokarasi ya Congo kurwanya M23, yakoreye ubugizi bwa nabi Abanye-Congo bo mu bwoko bw’Abatutsi, ibashinja gukorana na M23.
Bikubiye muri raporo Never Again Rwanda yakoze mu mwaka wa 2023, kaba yasohotse ku ya 12/06/2024, yagaragaje ko ibitero byakorewe aba Banye-Congo b’Abatutsi byaranzwe n’ubwicanyi, kubasambanya ku gahato, kubatwikira inzu, gusahura imutungo yabo ndetse no gutangaza imvugo zibibasira.
Never Again Rwanda yagize iti: “Ibi bitero byaranzwe n’ubwicanyi, kubasambanya ku gahato, gutwika amazu, gusahura amatungo yabo n’ibikangisho by’urwango. Amagana y’imiryango y’Abatutsi yahunze muri teritware ya Masisi na Rutshuru, ijya mu nkambi hafi ya Goma, ariko naho ishobora kugerwaho n’inyeshamba.”
Umuryango Never Again wasobanuye ko ubuzima bwabo bwagiye mu kaga cyane mu ntangiriro za 2023.
Mu kwezi kwa Kane, imitwe ya Wazalendo ikorana na FDLR yishe Abatutsi 18 mu bice byo muri Grupema ya Tongo na Mupfunyi-Shanga, muri Masisi, isahura n’inka zabo.
Mu kwezi kwa Kabiri 2023 ubwo M23 yafataga Kitchanga, FDLR, Maï Maï n’ingabo za RDC bagabye igitero ku nkambi hafi yo mu gace ka Katoyi, Muheto na Ikobo. Aho ngo bahatwitse inzu zirenga 100, bica Abatutsi barenga 20, bashimuta 13, abandi 2000 barahunga. Hari n’ababuriwe irengero nyuma y’iki gitero.
Uyu muryango watangaje ko ibi bikorwa by’ubugizi bwa nabi byiyongeraho iterabwabo Abatutsi b’Abanye-Congo bashyirwaho n’abasirikare ndetse n’abapolisi ba leta, babashinja gukorana na M23. Ibi byatumye bamwe muri bo bafungwa, batotezwa mu bigo bya gisirikare, abandi baburirwa irengero.
Uyu muryango watanze uregero rw’abasore batanu bakoreraga ku kigo gitunganya amazi cya Mwanza batawe muri yombi n’abasirikare tariki ya 24/02/2024, bashinjwa kuba abasirikare ba M23. Aba ni Byiringiro Kennedy, Irumva Steve, Benze Mudari, Zirimwabagabo Sambibe na Nizeyimana Callixte.
Hari umushumba witwa Kazungu uyu muryango uvuga ko yiciwe na FDLR mu gace ka Bihambwe tariki ya 25/02/2024, izi nyeshamba zitwara Inka yari aragiye , zisambanya uwitwa Nzayisenga Ziragora mu isambu mu gace ka Ngungu, zitwara Inka ze.
Uwo munsi, abarwanyi ba Nyatura CMC ya Domi hamwe n’Ingabo za FARDC batera ikusanyirizo ry’amata ry’ishyirahamwe Acogenok muri Luhonga.
Mu mpera z’uku kwezi, Inyeshamba za Nyatura CMC zateye agace ka Kaniro, zitwara Inka zirenga 1500, gusa zimwe muri zo zabohojwe na M23, nyuma y’imirwano yahanganishije impande zombi.
Hagati mu mwaka wa 2023, ofisiye ukomeye muri Nyatura CMC yasohoye indirimbo yise ‘Abatutsi ni imbwa,’ ashimira abagabye igitero ku Batutsi muri Masisi na Rutshuru. Hari amakuru avuga ko yishe umushumba amuhora ubwoko bwe.
Mu bice FDLR igenzura, yakomeje gutoza abana kwanga Abatutsi ndetse no kubagirira nabi. Ibi byashimangiwe na video yasohotse muri uko kwezi, aho bitaga Abatutsi ‘inyenzi.’ ibi byose byagize ingaruka zirimo kubagabaho ibitero no kwangiza imutungo wabo.
Mu gihe ibikorwa by’ubugizi bwa nabi byibasira Abanye-kongo b’Abatutsi, kugeza mu mpera za 2023 abagera kuri miliyoni imwe bahungiye mu bihugu bituranye na Repubulika Iharanira Demokarasi ya Congo, ku bw’umutekano wabo.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
