Biravugwa ko umusirikare mukuru uyoboye brigade ya 12 yo mu Minembwe, afungiwe i Kinshasa mu murwa mukuru wa Repubulika ya demokarasi ya Congo.
Muri iki Cyumweru dusoje nibwo General André Ohenzo usanzwe ayoboye abasirikare ba FARDC mu misozi miremire y’Imulenge, yahamagajwe i Kinshasa ahageze, atabwa muri yombi, nk’ukoba bamwe mu basirikare bakora mu rwego rw’i gisirikare rukora mu iperereza babitangaje.
General André Ohenzo yafunzwe azira gukorana byahafi na Twirwaneho iyobowe na Colonel Rukunda Michel, wamamaye ku izina rya Makanika.
Uyu musirikare yatawe muri yombi mu mpera z’iki Cyumweru dusoje. Kuri ubu akaba afungiwe mu rwgo rushinzwe iperereza ry’igisirikare cya FARDC i Kinshasa.
Aba basirikare mu butumwa bwabo bagira bati: “Komanda wa brigade ya 12, Gen André Ohenzo afungiwe i Kinshasa, kandi arazira gukorana bya hafi na Twirwaneho.”
General André Ohenzo yahawe kuyobora brigade ya 12 tariki ya 13 Gashyantare 2023, igihe yahageraga yavuze ko azanye amahoro mu misozi miremire y’Imulenge.
Ni nyuma yuko yari asanze hari ubushyamirane hagati ya Twirwaneho n’Ingabo za Repubulika Iharanira Demokarasi ya Congo. Kandi ubu bushyamirane bwari bumaze hafi imyaka irenga itanu.
Kuva General André Ohenzo ageze muri ibi bice ubukana bw’i ntambara bwaragabanutse, hagati y’Ingabo za leta na Twirwaneho, ndetse na Maï Maï izwiho gukorana byahafi n’izi ngabo za FARDC.
Ibyo bibaye mu gihe ingabo z’u Burundi zikorana n’iza FARDC zongeye kwisuka ku bwinshi mu misozi miremire y’Imulenge aho binavugwa ko izi ngabo zaba zifite umugambi wo kurwanya Twirwaneho.
Izi ngabo z’u Burundi zikigera mu Minembwe zahise zishinga n’ibirindiro mu bice byinshi byo muri Minembwe, nk’ahitwa Mukalingi, Kiziba no mu Bidegu.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
