Urugamba rukomeye cyane ruhanganishije M23 n’ihuriro ry’Ingabo zirwana ku ruhande rwa Guverinoma ya Repubulika Iharanira Demokarasi ya Congo, rwabereye mu duce tubiri two muri teritware ya Rutshuru, mu Ntara ya Kivu y’Amajyaruguru, mu Burasirazuba bw’iki gihugu.
Ni mu mirwano yabaye ku wa Gatandatu tariki 08 Kamena 2024, ikaba yarabaye nyuma ya saa sita zamanywa, aho yaje kurangira saa Cyenda z’umugoroba.
Amakuru aturuka ku mirongo y’imbere ku mbuga y’urugamba avuga ko iyi mirwano ihanganishije M23 n’iri huriro ry’Ingabo za Guverinoma ya Kinshasa yabereye mu duce turi hafi na centre ya Kanyabayonga, agace ka Mirangi n’akandi ka Byanderema.
Muri iyi mirwano ihuriro ry’Ingabo zirwana ku ruhande rwa Repubulika Iharanira Demokarasi ya Congo ryahababariye bikomeye.
Ni mu gihe uru ruhande rwahuye n’uruva gusenye aho rwarashweho ibisasu biremereye, abenshi bo ku ruhande rwa leta ya Kinshasa barapfa abandi barakomereka harimo n’abasirikare icyenda bakomeretse bikabije bo muri uru ruhande rwa leta ya Kinshasa.
Aba basirikare bakomeretse ba FARDC n’abambari bayo akaba ari bo bonyine basigaye bo kubara inkuru.
Kugeza ubu M23 iracyagenzura ibice bizengurutse iyi centre, ndetse kandi M23 igenzura n’agace ka Bulindi kari mu ntera y’ibirometre 9 uvuye muri centre ya Kanyabayonga.
Hagati aho iyi ntambara ihanganishije impande zombi ikomeje gutuma abaturage bata izabo, bakagana iy’ubuhungiro ndetse abandi bakahababarira nyuma yuko Ihuriro ry’ingabo zirwana ku ruhande rwa FARDC rikomeje kurasa buhumyi mu baturage rikoresheje imbunda ziremereye.
Tubibutse ko iyi mirwano yo mu nkengero za centre ya Kanyabayonga, imaze iminsi ibarirwa ku 11 hari uguhangana gukomeye hagati ya M23 na FARDC n’abambari bayo.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
