Umuvugizi w’igisirikare cya M23 Lt Col. Will Ngoma yatangaje ko mu gitondo cyo kuri uyu wa 14 Nyakanga 2024 abasirikare ba FARDC n’abo bafatanyije bagabye ibitero ku ngabo za M23.
Willy Ngoma avuga ko ahagabwe ibitero ari mu birindiro bya M23 biri mu mujyi wa Kirumba muri Teritwari ya Lubero, Umujyi ugenzurwa na M23.
Willy Ngoma mu kiganiro cyihariye yahaye Corridorreports yavuze ko abasabye agahenge ko guhagarika intambara hagati ya FARDC na M23 bari gushinja M23 kwica amasezera kandi ari FARDC ibagabaho ibitero.
Aganira n’iki kinyamakuru yagize Ati.” Baradushinja amakosa ariko barakina umukino wa Leta, ni Leta ya Kinshasa yishe amasezerano y’agahenge, ni Guverinema ishaka guteza umwuka w’intambara n’ubwoba kuko yabonye impunzi ziri guhunguka mu mutuzo muri Kanyabayonga, Kirumba n’ahandi. Bari gutera amabombe ku birindiro byacu ngo batere impuhwe umuryango Mpuzamahanga.”
Willy Ngoma akomeza avuga ko M23 igomba kwirwanaho igihe igabweho ibitero ariko ko idashobora na rimwe kwica amasezerano yo kubahiriza agahenge, ko bizwi na buri wese ko ari Leta ya Kinshasa yishe aka gahenge.
Leta Zunze Ubumwe z’Amerika zari zasabye impande zose ko habaho agahenge ko guhagarika intambara kugira ngo imiryango itanga ubutabazi ibone uko igera ku bavuye mu byabo ibahe ubufasha butandukanye.
Ni agahenge kagombaga gutangira ku ya 5 Nyakanga 2024 kakarangira ku ya 19 Nyakanga 2024 ndetse USA zari zatangaje ko impande zihanganye zemeye kubahiriza ubwo busabe.
FARDC na yo ishinja ingabo za M23 kwica aya masezerano.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
