Abanyamakuru bo muri DRC by’umwihariko muri Kivu y’Amajyaruguru n’Amajyepfo babangamiwe na Leta y’iki Gihugu ibahatira gutangaza inkuru ziyibogamiyeho mu mirwano ishyamiranya iki Gihugu n’abarwanyi ba M23.
Abatanze ubuhamya bavuga ko gukora akazi kabo nk’uko bisanzwe bubahiriza ihame ryo gutangaza inkuru zitabogamye bibagoye kuko Leta ibashyiraho igitutu cyo guhitamo uruhande rumwe, bakaba aba Leta cyangwa aba M23.
Aba banyamakuru babwiye The Newhumanitarian ko Leta ya Kinshasa ishaka ko itangazamakuru rikorera ku butaka bwayo ritangaza ibyo DRC ishaka kumva aho gutangaza inkuru nyazo z’ibibera muri iki gihugu.
Umwe mu banyamakuru ukorera mu Mujyi wa Goma utifuje ko amazina ye atangazwa kubwo umutekano we yagize
Ati.” Umuryango w’itangazamakuru maze igihe kinini nkorera ufite indangagaciro za kinyamwuga ziwuranga, gutangaza inkuru nta kubogama. Gusa ubu biragoye kubyubahiriza kubera igitutu M23 yashyize kuri Leta basigaye badutegeka gushyigikira uruhande rumwe rwa Leta muri iyi ntambara.”
Akomeza avuga ko inzego z’umutekano zigeze gutegeka abanyamakuru kujya batangaza inkuru zavuzweho na Leta ndetse ngo babasaba gukunda Igihugu, banabibutsa ko Congo ifite igisirikare kimwe mu rwego rwo kubabuza gutangaza inkuru zo ku ruhande rwa M23.
Abagangabuhamya bavuga ko ushinjwe gutangaza inkuru zidashimisha Leta ya Kinshasa akorerwa iyicarubozo, gushimutwa ndetse akaba yakwicwa.
Umunyamakuru yatanze urugero rw’inkuru yigeze gutangaza ivuga ku kubura ubunyamwuga bwa FARDC yashyize intwaro ziremereye hafi y’inkambi y’abakuwe mu byabo bikamuviramo gufungwa ashinja gusebya igisirikare cya Leta.
Aba banyamakuru bashinja urwego rushinzwe kubareberera no guteza imbere ubwisanzure bw’Itangazamakuru kubatererana kuko na rwo rwigeze gushyiraho amabwiriza ko nta munyamakuru wemerewe gutangaza inkuru ijyanye n’intambara itavuye ku isooko y’inzego za Leta.
DRC: Imvune z’abanyamakuru bategekwa na Leta gutangaza inkuru ziyibogamiyeho
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
