Guverinema ya Repubulika Iharanira Demokarasi ya Congo(DRC) yatangaje ko izi neza ubufasha Leta ya Uganda iha abarwanyi ba AFC/M23 haba intwaro ndetse n’abasirikare.
Byatangajwe na Guy Kabombo Mwadianvita, Minisitiri w’Intebe wungirije akaba na Minisitiri w’Ingabo wa DRC kuri uyu wa 13 Nyakanga 2024, mu nama y’Abaminisitiri iba buri cyumweru.
Yagize Ati.” Kujyana urubyiruko mu gisirikare ku ngufu muri Teritwari ya Lubero na Rutshuru bikozwe n’abarwanyi ba M23 bashyigikiwe n’u Rwanda ndetse na Uganda baha abarwanyi ndetse n’ibikoresho bikangiza agahenge ko guhagarika imirwano biraduhangayikishije.”
Kabombo akomeza avuga ko igisirikare cya DRC gifite ubushake bwo gusigasira ubusugire bw’iki gihugu.
Felix Kulayigye, Umuvugizi w’igisirikare cya Uganda (UPDF) avuga ko badasha abarwanyi ba M23, ko amakuru yatanzwe n’impuguke za UN nta shingiro afite, nta bushakashatsi ishingiraho ndetse ngo irabogamye.
Ati.” Nta mpamvu n’imwe yatuma dufasha aba barwanyi(M23) kandi turi bamwe mu bafite inshingano zo kugarura amahoro mu Burasirazuba bw’iki gihugu.Abakora izi raporo baba baduca intege aho kudutera ingabo mu bitugu.”
Yakomeje avuga ko Uganda yakira impunzi zose ziyihungiyemo hakurikijwe amategeko Mpuzamahanga y’Umuryango w’Abibumbye (UN).
Kulayigye avuga Uganda itafasha M23 kandi isanzwe ifatanya na Leta ya Kinshasa kurwanya inyeshya za ADF zirwanya Uganda zirwanya Uganda ariko ziri ku butaka bwa Congo.
AFC/M23 ivuga ko nta nkunga y’Ibihugu bishinjwa kuyifasha yakira, ishimangira ko ibikoresho byinshi irwanisha ari ibyo yaka ingabo za FARDC iyo zatsinzwe urugamba.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
