I Kanyabayonga haramukiye agahenge ka mahoro nyuma y’uko ku munsi w’ejo ku Cyumweru tariki ya 02 Kamena 2024 hari habaye isibaniro ry’imirwano hagati ya M23 n’ihuriro ry’Ingabo zirwana ku ruhande rwa leta ya Kinshasa.
Ni mu mirwano yatangiye mu masaha y’igicamunsi cyo kuri uyu wo ku Cyumweru, tariki ya 03 Kamena 2024, aho iyo mirwano yarimo ibera mu nkengero za Kanyabayonga, nk’uko iy’inkuru tuyikesha abaturiye ibyo bice.
Amakuru aturuka muri biriya bice ducyesha MCN avuga neza ko uru rugamba ko rwabereye mu bice biri mu ntera y’ibirometre nka 10 uvuye muri centre ya Kanyabayonga, ifite ubutaka bukora muri teritware ya Rutshuru na Lubero, mu Ntara ya Kivu Yaruguru.
Nk’uko abatanze ay’amakuru basobanuye, nuko ihuriro ry’Ingabo zirwana ku ruhande rwa leta ya RDC rwarashe ibisasu biremereye bakabitera ahatuwe n’abaturage benshi, ndetse biza kwangiriza ibirimo ibikorwa remezo n’imirima y’abaturage.
Ibi bisasu byarimo binaraswa muri Katsiru ho muri Secteur ya Bukombo, Cheferie ya Bwito, teritware ya Rutshuru. Ibi bisasu biremereye byarashwe ahagana saa cyenda n’iminota nka 23 z’igicamunsi.
Gusa byaje kugeza mu masaha y’umugoroba w’ijoro, agahenge kongera kugaruka muri ibi bice, nk’uko byakomeje kuvugwa n’abaturage babituriye.
Kugeza ubu M23 iragenzura inkengero za Kanyabayonga, nko mu ntera y’ibirometero biri hagati y’umunani ukageza ku 15.
Mu gihe ihuriro ry’Ingabo zirwana ku ruhande rwa Repubulika Iharanira Demokarasi ya Congo, ryo rikigenzura muri centre ya Kanyabayonga.
Muri iki gitondo cyo kuri uyu wa Mbere, aha muri ibi bice haramukiye agahenge, gusa imirwano ishobora kubura isaha iyari yo yose kuko impande zose zikomeje kuryamira amajanja.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
