Kuri uyu wa kane tariki ya 18 Nyakanga 2024; Leta Zunze Ubumwe za Amerika zatangaje ko agahenge hagati y’ingabo za Repubulika Iharanira Demokarasi ya Congo (FARDC) n’ingabo za M23 kongerewe ho iminsi 15.
Tubibutse ko ibiro bya Perezida wa Amerika byaherukaga gutangaza ko, hashingiwe ku biganiro umuyobozi w’urwego rw’ubutasi yagiranye n’u Rwanda na RDC mu Ugushyingo 2023, FARDC na M23 byemeye agahenge k’icyumweru.
Aka gahenge kari karatangiye tariki ya 5 Nyakanga, biteganyijwe ko kazarangira ku ya 19 Nyakanga 2024, hagamijwe ahanini kugira ngo abaturage bahunze intambara bahabwe ubufasha bitagoranye.
Byagize biti “Guverinoma ya RDC n’iy’u Rwanda zagaragaje ko zishyigikiye aka gahenge k’ibyumweru bibiri kugira ngo ububabare bw’abaturage bari mu kaga bworohe, hanashyirweho uburyo bwo guhagarika byagutse umwuka mubi mu burasirazuba bwa RDC.”
Umuvugizi w’ibiro bya Amerika bishinzwe ububanyi n’amahanga, Matthew Miller, kuri uyu wa 17 Nyakanga yatangaje ko aka gahenge kongereweho iminsi 15, asaba impande zirebwa na ko kukubahiriza.
Matthew yagize ati “Amerika yakiriye neza inyongera y’iminsi 15 ku gehenge hagati y’impande zihanganye mu burasirazuba bwa RDC kandi turasaba abo mu karere bose kukubahiriza.”
Uyu munyapolitiki yavuze ko Amerika izakomeza gukorana bya hafi na guverinoma ya RDC, iy’u Rwanda na Angola, hashingiwe ku myanzuro ya Luanda na Nairobi kugira ngo haboneke igisubizo kirambye cy’aya makimbirane.
Aka gahenge kasabwe ubwo M23 yari imaze gufata agace ka Kanyabayonga muri teritwari ya Lubero. Ntikubahirijwe uko bikwiye kuko imitwe yitwaje intwaro ya Wazalendo ikorana na Leta ya RDC yakomeje kugaba ibitero kuri M23, igamije kuyikura mu bice yafashe.
Tariki ya 14 Nyakanga 2024, Umuvugizi wa M23, Lt Col Willy Ngoma, yatangaje ko ihuriro rya Leta ya RDC ryagabye igitero ku birindiro byabo biherereye mu gace ka Kirumbi, hafi ya Kanyabayonga.
Yagize ati “Kuva saa kumi n’imwe na 40 z’igitondo, ihuriro rya Leta, ryagabye igitero ku birindiro byacu bya Kirumba. ARC/AFC nk’ibisanzwe yirwanyeho, irinda abaturage kinyamwuga.”
Umuvugizi wa FARDC muri Kivu y’Amajyaruguru, Lt Col Ndjike Kaiko Guillaume, yatangaje ko tariki ya 10 Nyakanga M23 yagabye ibitero ku birindiro byabo bya Nyange na Mpati, mu burengerazuba bwa Kitshanga, teritwari ya Masisi.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
