Rwongeye kwambikana hagati ya M23 n’ihuriro ry’ingabo zirwana ku ruhande rwa leta ya Repubulika Iharanira Demokarasi ya Congo mu nkengero za Centre ya Kanyabayonga muri Teritware ya Rutshuru, mu Ntara ya Kivu y’Amajyaruguru.
Ni mu mirwano yongeye kubura kuri iki gicamunsi cyo ku Cyumweru, tariki ya 02 Kamena 2024, hagati ya M23 n’ihuriro ry’Ingabo zirwana ku ruhande rwa leta ya perezida Félix Tshisekedi, nk’uko amakuru aturuka ku mirongo y’imbere ku rugamba abivuga.
Aya makuru avuga ko iyi mirwano irimo kubera mu gace ka Bulindi kari mu ntera y’ibirometero 10 uvuye muri Centre ya Kanyabayonga, ahari ibirindiro bikomeye by’Igisirikare cya RDC, Ingabo z’u Burundi, abacanshuro, SADC, FDLR na Wazalendo.
Muri iyi mirwano humvikanyemo imbunda nini ziremereye n’into kandi ko M23 yayigaragajemo ubuhanga bwo ku rwana ku rwego rwo hejuru, nk’uko abaturage baturiye ibyo bice babitangaje.
Amakuru twahawe n’umwe mu basirikare ba M23, ariko utashatse ko amazina ye amenyekana mu itangazamakuru yavuze ko muri aka gace ka Bulindi kari kuberamo intambara, kamaze kubonekamo imirambo y’ingabo zo ku ruhande rwa leta ya Kinshasa igera kuri 75.
Ibi bibaye mu gihe no ku wa Gatandatu, aha muri ibi bice hari habereye kandi urugamba rukomeye.
Mu gihe mu nkengero za Kanyabayonga urugamba rukomeje kujya imbere, no mu bice byo Mubambiro hari kumvikanamo imbunda za rutura; aha nihafi na Centre ya Sake ahamaze igihe habera intambara ikomeye hagati ya M23 n’ihuriro ry’Ingabo zirwana ku ruhande rwa leta ya Kinshasa.
Twababwira ko mu nkengero za Centre ya Kanyabayonga hamaze iminsi irenga ine habera intambara ikomeye, hagati y’impande zombi zimaze igihe zihanganye ni ukuvuga M23 n’ ihuriro ry’Ingabo za Congo.
Ndetse muri iyi mirwano M23 imaze kuyifatamo ibice byinshi byo muri teritware ya Rutshuru na Masisi ibyambuye iri huriro ry’Ingabo za Repubulika ya demokarasi ya Congo.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
