Mu rukerera rwo kuri uyu wa Gatatu tariki 22 Gicurasi 2024, ni bwo abaturage batuye mu Karere ka Gasabo, mu Murenge wa Bumbogo, Akagari ka Ngara mu Mudugudu wa Birembo, batewe n’ibisambo bitatu byari byitwaje imbunda z’ibikinisho.
Abatanze aya makuru bavuze ko mbere yuko bagera muri aka gace ka Birembo, ngo bari babanje guteza umutekano muke muri santeri ya Zindiro.
Umwe utifuje ko imyirondoro ye ijya hanze kubwo umutekano we, yagize ati “Baje ari batatu batangira gukubita inzugi, noneho tubumvishe dusanga uko ari batatu bafite imbunda gusa ariko zishobora kuba ari iz’ibikinisho nubwo hari abavuga ko ari iza nyazo.”
Icyakora ngo nyuma y’uko aba bagabo bafatwa hahise haza umuturage wari uturutse mu izindiro, avuga ko babanje kumumenera ibigage ndetse banamwambura Ibihumbi 100 Frw noneho nyuma yuko bavugije induru barirukanka amaguru bayabangira ingata.
Umunyamabanga Nshingwabikorwa w’Umurenge wa Bumbogo, Nyamutera Innocent, yemeje aya makuru avuga ko abakekwaho kwiba bahise bashyikirizwa inzego z’umutekano nubwo hari umwe muri batatu wahise aburirwa irengero ndetse kandi ko ibivugwa ko bari bafite imbunda atabihamya kuko iperereza ryahise ritangira ritaragira icyo rigaragaza.
Yagize ati “Nibyo koko abafashwe bahise bashyikirizwa inzego z’umutekano kugirango hamenyekane neza niba ibivugwa ko bari bitwaje imbunda ari ukuri.”
Gitifu Nyamutera yakomeje asaba abaturage kuba maso, yashimiye cyane abaturage batanze amakuru ndetse anavuga ko abantu bakwiye gukora bagakura amaboko mu mifuka mu rwego rwo kwirinda kubangamira ituze rya rubanda.
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
