Abafana ba Trabzonspor birukankiye mu kibuga, basagarira abakinnyi ba Fenerbahçe nyuma y’umukino wa Shampiyona y’Icyiciro cya Mbere muri Turikiya wabaye ku Cyumweru, tariki ya 17 Werurwe 2024.
Fenerbahçe yatsinze ibitego 3-2 muri uyu mukino wabereye kuri Papara Park mu Mujyi wa Trabzon, abakinnyi n’abafana bayo bahura n’uruvuga gusenya ubwo bishimiraga intsinzi.
Abakinnyi Bright Osayi-Samuel na Michy Batshuayi bahanganye n’abafana babasagariye ubwo abashinzwe umutekano bageragezaga gutabara.
Minisitiri w’Umutekano muri Turikiya, Ali Yerlikaya, yanenze imyitwarire yagaragajwe n’abafana ba Trabzonspor.
Mu butumwa yanyujije ku rubuga rwa X [yahoze ari Twitter], Ali Yerlikaya yagize ati “Nyuma ya byose, siporo ni ikinyabupfura. Ubugizi bwa nabi ntibwemerewe kubera ku bibuga by’umupira w’amaguru.”
Ibibazo byatangiye kuvuka ku munota wa 87 aho hari ibintu bitandukanye byajugunywe mu kibuga, ubwo Batshuayi yari amaze gutsinda igitego gikora ikinyuranyo ku ruhande rwa Fenerbahçe yari yasuye.
Iki ni kimwe mu bikorwa bidashimishije bikomeje kugaragara muri Shampiyona ya Turikiya muri uyu mwaka w’imikino wa 2023/24.
Mu Ukuboza, umusifuzi Halil Umut Meler yakubiswe na Perezida w’Ikipe ya MKE Ankaragucu, Faruk Koca, byatumye uyu muyobozi ahagarikwa.
Kuri ubu, Fenerbahçe ni iya kabiri muri Super Lig n’amanota 79, irushwa abiri na Galatasaray ya mbere nyuma y’imikino 30, mu gihe yo irusha amanota 30 Trabzonspor ya gatatu.
Shocking scenes. Can clearly see this Trabzonspor fan has a knife or some sort of weapon in his hand. Fenerbahce players were well within their right to defend themselves 🇹🇷👊 pic.twitter.com/4V1SEN1SbL
— Football Fights (@footbalIfights) March 17, 2024
🇧🇪😲 Michy Batshuayi's spinning high kick hit a Trabzonspor fan who attempted to attack him during the Trabzonspor vs Fenerbahce game…. 🦵pic.twitter.com/sJe0xQc9iM
— CentreGoals. (@centregoals) March 17, 2024
CorridorReports yadabagije abashaka gutunga websites zabo bwite! Dukora website zo mubwoko bukurikira:
- Ubucuruzi (E-commerce)
- Iyamamaza ibikorwa ukora
- Iyo kuranga Akazi (Job listing)
- Iyu Urusengero
- Iya Organization
- Iya Company
Twandikire kuri Whatsapp unyuze hano: https://shorturl.at/cfkBO
